Narayan Dharap

‘नारायण धारप - एका गूढ, अद्भुत, चित्तथरारक जगाची सफर’

भीती, गूढता, अतार्किक जग, मनोव्यापार आदी गोष्टींचा समावेश असलेलं साहित्यातलं एक नवं दालन नारायण धारप यांनी वाचकांसाठी खुलं करून दिलं आणि त्यात वाचकांना गुंतवलं. हे अनाकलनीय वाटणारं जग दाखवताना त्यांनी अंधश्रद्धेला थारा दिला नाही आणि विज्ञानाची कास सोडली नाही. आपल्या वाचकाला प्रत्येक गोष्टीची चिकित्सा करायला लावली. अशा या लोकप्रिय लेखकाबद्दल प्रसिद्ध लेखिका दीपा देशमुख यांनी लिहिलेलं ‘नारायण धारप - एका गूढ, अद्भुत, चित्तथरारक जगाची सफर’ हे नवं पुस्तक बुकगंगा पब्लिकेशन्सद्वारे लवकरच प्रसिद्ध होत आहे. पुढे वाचा

‘नारायण धारप - एका गूढ, अदभुत, चित्तथरारक जगाची सफर’ 

गूढ, थरारक, अतार्किक अशा वातावरणानं भारलेल्या जगात नेणारे 60 च्या दशकातले एकमेव लेखक म्हणजे नारायण धारप. नारायण धारप यांनी वाचकांना आपल्या कथा-कादंबर्‍या वाचण्यासाठी अक्षरश: खेचून घेतलं. त्यांच्या वाचकवर्गात कुमारवयापासून ते ज्येष्ठ वयोगटांपर्यंत सगळेच मोडतात. वयाच्या त्या त्या टप्प्यात प्रत्येक वाचकाला तो तो लेखक आवडत असतो. पण नारायण धारप एकमेव असे साहित्यिक होते, की त्यांचा वाचक एकदा त्यांच्याशी बांधला गेला की त्याची पुन्हा त्यांच्यापासून दूर होण्याची सूतराम शक्यता नव्हती आणि आजही नाही.  पुढे वाचा