ऋणानुबंध

कळेल का कुणा ऋणानुबंध आपुले कसे 
असून सावलीत मी उन्हात बैसले कसे 
कळेल का...
दवात न्हात राहिले दवात गात राहिले 
झुल्यावारी फुलापरी मनात बहरले कसे 
कळेल का...
कपोल गाल ओठ लाल लाजता उषेपरी
गुलाब गंध प्राशुनी हृदय गुलाबले कसे 
कळेल का...
सुगंध गंध पल्लवित श्वास श्वास गंधता
इथे तिथे तुझेच सांज रंग उधळले कसे 
कळेल का...
सखाही तूच मित्र तूच तूच जिवलगा तरी 
कशास मज विचारता अखेर भाळले कसे 
कळेल का...
दीपा