मकरंद अनासपूरे भेट

संध्याकाळी लोकमान्य टिळक पार्ले सेवा संघ इथे मकरंद अनासपुरे या अभिनेत्याची मुलाखत अच्युत गोडबोले यांनी घेतली. मुलाखतीपूर्वी मकरंद घरी आला असताना छान गप्पा झाल्या, तसंच तो वाचनवेडा असल्यानं त्याला आम्ही कॅनव्हास आणि सुपर हिरो ही दोन पुस्तकं भेट दिली. मकरंद ला मनात आणि मुसाफिर खूप आवडल्याचं त्यानं आवर्जून सांगितलं. कालची मुलाखत खूपच रंगली. कारण अभिनयाच्या कारकीर्दीबरोबर मुख्य विषय होता नाम !  लोकमान्य टिळक पार्ले सेवा संघानं नामला दीड लाखाची देणगी दिली. या प्रसंगी अनेक लोकांनी उत्स्फूर्त पणे नामसाठी देणग्या दिल्या. 

मकरंदमधला सामाजिक भान असणारा आणि ते भान निभावणारा सच्चा माणूस याचा अनोखा पट मकरंद अनासपुरे आणि अच्युत गोडबोले यांनी श्रोत्यांसमोर उलगडला. मजा आली.