माझं मांजर प्रेम!

माझं मांजर प्रेम!

मला मांजर आवडण्यामागचं कारण म्हणजे आमच्या घरी ते आम्ही लहान असल्यापासूनच पाळलं गेल्यामुळे कदाचित असावं. मी लहान असताना आमच्या घरी म्हैस, कोंबड्या, कुत्रा, पोपट आणि मांजर ही मंडळी आमच्याबरोबरच गुण्यागोविंदाने नांदत होती. आई मराठवाड्यातल्या औंढा नागनाथ या छोट्याशा गावातली असल्यानं तिला शेती आणि प्राणी यांची मनापासून आवड होती. तिच्या आवडीमुळेच हे सगळे प्राणी-पक्षी आमच्या घराचा हिस्सा झाले होते. आई म्हशीचं दूध स्वतः काढायची. तिच्या घरी शेत असल्यामुळे तिला बागकामाचीही खूप आवड होती. वडील सरकारी अधिकारी असल्यामुळे प्रत्येक ठिकाणी प्रत्येक सरकारी निवासस्थानाला लागून बरीच जागा असायची. पुढे वाचा

लॅरी पेज, सर्गी ब्रिन आणि गूगल सर्च इंजिन - वयम दिवाळी 2019

लॅरी पेज, सर्गी ब्रिन आणि गूगल सर्च इंजिन - वयम दिवाळी 2019

आपल्या मनात एखादी गोष्ट यावी आणि क्षणार्धात ती समोर येऊन हजर व्हावी....तसंच! आजच्या युगात माणसाला गूगल ही आधुनिक तंत्रज्ञानानं दिलेली अनमोल अशी भेट आहे. गूगल नसेल तर आज जगण्याची कल्पनाही करता येत नाही. कल्पवृक्षाच्या झाडाखाली बसावं आणि कुठलीही इच्छा व्यक्त करावी की काही क्षणात इच्छापूर्ती होते म्हणतात, तसंच गूगलवरही काही सेकंदात घडतं. कुठल्याही अनोळखी शहरात गेल्यावर तिथे ठरलेल्या पत्त्यावर जाताना मोबाईलमध्ये गूगलमॅपला जाण्याचं ठिकाण सांगितलं की गूगल मॅप अगदी त्या माणसाच्या घराची बेल वाजवण्यापर्यंत आपल्याला न चूकता घेऊन जातो. पुढे वाचा

माय फ्रेंड, फिलॉसॉफर अँड गाईड  - इत्यादी दिवाळी 2013

माय फ्रेंड, फिलॉसॉफर अँड गाईड  - इत्यादी दिवाळी 2013

मासवण हे ठाणे जिल्ह्यातल्या पालघर तालुक्यातलं 2000 वस्तीचं चिमुकलं आदिवासी गावं, मासवणच्या आदिवासी भागात ‘आदिवासी सहज शिक्षण परिवार’ या संस्थेत (15 गावांमधल्या 78 पाड्यांसाठी) शिक्षण विभाग प्रमुख म्हणून मी काम करत होते. आदिवासींची भाषा, त्यांच्या वागणुकीतला प्रेमळपणा आणि तिथल्या निसर्गाने मला केव्हाच आपलंसं केलं होतं. कमी होती फक्त माझ्या शहरी मित्र-मैत्रिणींच्या संवादाची. कारण त्या भागात मोबाईलला नेटवर्क मिळत नसे. त्याच दरम्यान यशवंतराव चव्हान प्रतिष्ठान, मुंबईच्या, औरंगाबाद इथे संपन्न झालेल्या एका कार्यक्रमात माझी अच्युत गोडबोले या व्यक्तीशी ओळख झाली. पुढे वाचा

यशवंतराव चव्हाण प्रतिष्ठान, मुंबईच्या अपंग हक्क विकास मंचाची घौडदौड-मिळून साऱ्याजणी दिवाळी 2013

यशवंतराव चव्हाण प्रतिष्ठान, मुंबईच्या अपंग हक्क विकास मंचाची घौडदौड

एखादी संस्था, एखादं सामाजिक कार्य उभं राहतं ते काही व्यक्तींच्या सक्रिय सहभागामुळे! हळूहळू त्या त्या संस्थेचं कार्य विस्तारत जातं, त्यात अनेक उपक्रम, अनेक कार्यकर्ते सामील होत जातात आणि हा सामाजिक कार्याचा वसा घेतलेल्यांचा कारवाँ पुढे पुढे चालत राहतो. मुंबईची सामाजिक आणि सांस्कृतिक क्षेत्रात काम करणारी संस्था म्हणून यशवंतराव चव्हाण प्रतिष्ठान या संस्थेचं नावं महाराष्ट्राला परिचित आहेच. यशवंतराव चव्हाण प्रतिष्ठान, मुंबई या सेवाभावी संस्थेतर्फे कृषी, सहकार, शिक्षण, महिला सक्षमीकरण, कायदेविषयक, पर्यावरण, युवा वर्गासोबत,  सामाजिक आणि सांस्कृतिक क्षेत्रात काम चालू आहे. पुढे वाचा