Book Reviews

राहिले दूर घर माझे....

'राहिले दूर घर माझे’...या शफाअत खान लिखित नाटकावरची हरी नरके यांची पोस्ट वाचली आणि मी 'लगेचच पुस्तक आणून वाचते' असं त्यांना सांगितलं. बुकगंगावरून पुस्तक ऑनलाईन मागवलं, आश्चर्याचा सुखद धक्का म्हणजे ऑर्डर केल्यानंतर लगेचच एकच दिवसानं मला घरपोच पुस्तक मिळालं. खरं तर मी दोन पुस्तकं मागवली. दुसरं पुस्तक माझी मैत्रीण सुवर्णसंध्या हिच्यासाठी. पुढे वाचा

शुभबुद्धीचे उपासक रवींद्रनाथ आणि आशा साठे

आशा साठे माझी अशी एक मैत्रीण की ती भेटली, ती बोलली की मन कसं पुन्हा उल्हसित होतं, मनावर जमलेली अनेक जळमटं झटकली जातात. पुन्हा नवी उमेद घेऊन मी कामाला लागते. मैत्रीण आपलीच असते, तिला आपल्याबद्दल आणि आपल्याला तिच्याबद्दल बोलायची खरं तर काहीच गरजही नसते. पण तरीही आजकाल असं वाटतं, आकस्मिक कधी आपण गेलो, तर मनातलं व्यक्त करणं राहूनच जायला नको.  पुढे वाचा

द फ्री व्हॉईस - रविश कुमार - सुनील तांबे - अक्षरनामा एप्रिल 2019

मधुश्री पब्लिकेशन निर्मित, रविश कुमार लिखित आणि सुनिल तांबे अनुवादित ‘द फ्री व्हॉईस’ या पुस्तकात बोलते व्हा, यांत्रिक लोक आणि नव्या लोकशाहीची इमारत, भयपेरणीचा राष्ट्रीय प्रकल्प, जिथे झुंड असते, तिथे हिटलरचा जर्मनी असतो, आपण जनता आहोत, बाबालोकांचा देश, प्रेमाची गोष्ट, खाजगीपणाचा मूलभूत हक्क आणि चला, स्वातंत्र्यदिनानिमित्त आईस्क्रीम खाऊ या या लेखांना समाविष्ट केलं आहे.  पुढे वाचा

शुअरली यू आर जोकिंग मि. फाईनमन!

रिचर्ड फाईनमन या अवली शास्त्रज्ञानं लिहिलेलं आणि माधुरी शानबाग यांनी अनुवादित केलेलं मधुश्री पब्लिकेशनचं ‘शुअरली यू आर जोकिंग मि. फाईनमन!’ या पुस्तकाची मी अनेक दिवसांपासून वाट बघत होते. नुकतंच हे पुस्तक हातात पडलं. हे पुस्तक लिहिणारा रिचर्ड फाईनमन हा अमेरिकन नोबेल पारितोषिक विजेता शास्त्रज्ञ! जन्मानं ज्यू असला तरी मानवता हाच धर्म मानून त्यानं विज्ञानावर आयुष्यभर प्रचंड प्रेम केलं. रिचर्ड फाईनमन हा आपलं अस्थिर आणि वादळी आयुष्य, भरकटलेपण, पारदर्शी स्वभाव, खेळकर आणि खिलाडू संशोधक वृत्ती, बोलकी चित्रकारिता घेऊन जगासमोर आला. पुढे वाचा

रोज नवी सुरुवात

मनोविकास प्रकाशनातर्फे ‘रोज नवी सुरुवात’ हे डॉ. सविता आपटे लिखित पुस्तक वाचकांसाठी नुकतंच उपलब्ध झालं आहे.  डॉ. सविता आपटे या मानसशास्त्रज्ञ असून त्या ठाणे शहरातल्या आयपीएच (Institute for Psychological Health) या संस्थेत कार्यरत आहेत. आपल्या पीएचडीचा विषय घेताना त्यांनी स्किझोफ्रेनिया हा विषय जाणीवपूर्वक निवडला होता. स्किझोफ्रेनिया या विकाराला मानसशास्त्रात मानसिक आजारांचा ‘कॅन्सर’ असं संबोधलं जातं. आज जगात एक टक्क्याहून अधिक लोक या विकारानं ग्रस्त आहेत. पुढे वाचा

शेषप्रश्न - शरदचंद्र चटटोपाध्याय

बंगाली साहित्यातलं आपला वेगळा ठसा उमटवणारं एक नाव म्हणजे शरदचंद्र चट्टोपाध्याय किंवा चटर्जी! त्यांच्या परिणिता, देवदास, चरित्रहीन, श्रीकांत, पथेरदाबी या आणि इतर अनेक कादंबर्‍या खूपच गाजल्या. यातल्या अनेक कादंबर्‍यांवर चित्रपटही निघाले आणि ते देखील खूपच लोकप्रिय झाले. शरदचंद्रांवर रवींद्रनाथ टागोर आणि बंकिमचंद्र चट्टोपाध्याय यांचा खूप मोठा प्रभाव होता.  पुढे वाचा

'दुर्गा भागवत - बहुरूपिणी' 

काल सकाळपासून सुरु असलेला 'पुणे वेध'चा भन्नाट कार्यक्रम, त्यानंतरच्या दोन मिटिंग्ज, नंतर साधना (पुस्तक खरेदी) आणि त्यानंतर वाहनांच्या गर्दीतून धावतपळत गाठलेला ज्योत्स्ना भोळेचा तिसर्‍या मजल्यावरचा हॉल! निमित्त होतं - 'दुर्गा भागवत - बहुरूपिणी' 
या मनोविकास प्रकाशनातर्फे प्रसिद्ध होणार्‍या पुस्तकाचं. पुस्तक प्रकाशन डॉ. देवदत्त दाभोळकर आणि पद्मश्री कुमार केतकर यांच्या हस्ते होणार होतं. पुढे वाचा

लॉक ग्रिफीन

नक्की वर्षं आठवत नाही, पण मुंबईहून पुण्याला आपल्याला ‘बाळ्या’ या मित्राबरोबर जायचं आहे असं अच्युत गोडबोले यांनी मला सांगितलं. त्याच्याबद्दल सांगताना तो आयआयटीपासूनचा मित्र असून त्यानं आयआयटीत असताना किती धमाल केली होती, त्याला गिर्यारोहणाचं कसं प्रचंड वेड आहे, तसंच त्याची दुर्मिळ वस्तूंचा संग्रह असणारी आणि ऐतिहासिक काळात घेऊन जाणारी पुण्यातली राहती वास्तू बघणं हा कसा सुंदर अनुभव आहे हेही सांगितंल. पुढे वाचा

कॅम्प फायर

कॅम्प फायर - धुंद करणारा स्वच्छंद अनुभव!
काही दिवसांपूर्वी बुक गंगा इंटरनॅशनलचा नव्या रुपातला उद्घाटनाचा कार्यक्रम मंदार जोगळेकर यांनी आयोजित केला होता. या कार्यक्रमाच्या वेळी कडकडीत उन्हाळा असूनही ऐन वेळी विना निमंत्रण येऊन पावसानं सगळ्यांचीच फिरकी घेतली होती. पण पावसाला न जुमानता महाराष्ट्रभरातून अनेक लोक या कार्यक्रमासाठी आले आणि हा कार्यक्रमही तितकाच देखणा झाला. पुढे वाचा

मी हिजडा...मी लक्ष्मी!

हिजडा’ हा शब्द मोठ्यानं उच्चारणंही ज्या समाजाला नकोसं वाटतं. तो शब्द आपल्या जगण्यातला एक भाग बनवणार्‍या लक्ष्मीचं आत्मकथन म्हणजेच ‘मी हिजडा...मी लक्ष्मी!’ हे मनोविकास प्रकाशननं प्रसिद्ध केलेलं पुस्तक. टीव्हीच्या अनेक चॅनेल्सवरून आपण या लक्ष्मीला बघितलं आहे. पण दुरूनच. या आत्मकथनाद्वारे ती आपल्या खूप जवळ येऊ पहातेय किंबहुना आली आहे. पुढे वाचा

वनात-जनात, सृष्टीत गोष्टीत!

वनात-जनात, सृष्टीत गोष्टीत!
डॉ. अनिल अवचट यानेकी बाबा लिखित ‘वनात जनात’ आणि ‘सृष्टीत गोष्टीत’ ही दोन पुस्तकं नुकतीच 'बुकगंगा'ने ऑडिओ स्वरूपात प्रकाशित केली आहेत. या पुस्तकांचं वाचन अर्थातच अस्मादिक दीपा देशमुख यांनी केलं आहे. बाबाच्या आवाजातलं मनोगत आहेच. बाबाबरोबर कायमस्वरूपी नातं असलं तरी जेव्हा बाबाचं पुस्तक वाचायची संधी मिळते, तेव्हा माझ्यासाठी तो अतीव आनंदाचा क्षण असतो. पुढे वाचा

मिले सूर मेरा तुम्हारा - पियूष पांडे आणि पांडेपुराण

‘तुम्ही आलंच पाहिजे’ असा मनोविकासच्या आशिशनं आग्रह सुरू केला. निमित्त होतं १० ऑगस्टला सायंकाळी टिळकरोडवरच्या ज्योत्स्ना भोळे सभागृहात संपन्न होणार्‍या ‘पांडेपुराण’ या पुस्तक प्रकाशनाचं! सतत सुरू असलेल्या कार्यक्रमांमुळे मी जाण्यासाठी कंटाळा करत होते, पण अखेर आशिशचं मन मोडावं वाटलं नाही आणि मी कार्यक्रमस्थळी पोहोचले. पुढे वाचा

अन्धारवारी आणि हृषिकेश गुप्ते

अन्धारवारी आणि हृषिकेश गुप्ते
अंधारवारी खरं तर दोन दिवसांपासून डॉ. अरूण गद्रे यांचं ‘कैद झालेले कळप’ वाचायचं होतं, पण माझ्या पुस्तकांच्या महागर्दीत ते शोधूनही सापडलं नाही. दोन दिवस शोधून कंटाळले आणि त्याच वेळी ज्योती धर्माधिकारी या मैत्रिणीनं मला टॅगलेली अनवटवाटेवरची कविता वाचली. छानच कविता! या कवितेवरून मग आज हृषिकेश गुप्तेचं ‘अंधारवारी’ वाचावं वाटलं. पुढे वाचा

एबारो बारो - सत्यजीत रे - अनुवाद विलास गिते

एबारो बारो - सत्यजीत रे - अनुवाद विलास गिते
कालपासून 'एबारो बारो' हा सत्यजित रे (राय) यांचा कथासंग्रह ज्याचा अनुवाद विलास गिते यांनी केला आहे वाचत होते. ‘एबारो बारो’ म्हणजे आणखी बारा! साकेत प्रकाशनानं १९९२ साली प्रकाशित केलेला हा अनुवाद आजही तितकाच ताजा वाटतो. विलास गिते यांची आणि आमची (मी आणि अच्युत गोडबोले) भेट अहमदनगर इथे एका कार्यक्रमात झाली होती. ते आमच्या कार्यक्रमाला आवर्जून आले होते. त्यांची ओळख आयोजकांनी जेव्हा करून दिली, तेव्हा त्यांचं साधेपण बघून मी थक्क झाले. खरं तर त्या भेटीत त्यांनी प्रेमानं ‘एबारो बारो’ हे पुस्तक भेट दिलं होतं. पण वाचायला अखेर आज उजाडला. पुढे वाचा

हरित द्वीपाचा राजा - सुनील गंगोपाध्याय

हरित द्वीपाचा राजा आजचा बालदिन साजरा करण्यासाठी सकाळी सकाळी पं. नेहरूंची अनेक भाषणं वाचली. लिखाणाची महत्त्वाची कामं आटोपली आणि मग मनोविकास निर्मित ‘हरित द्वीपाचा राजा’ हे सुनील गंगोपाध्याय या प्रख्यात बंगाली लेखकाचं पुस्तक वाचायला घेतलं. सुनील गंगोपाध्याय हे नाव कुणाला माहीत नाही असा वाचक सापडणं विरळाच. साहित्य अकादमी पुरस्कार प्राप्त अशा या लेखकाच्या ११ साहित्यकृतींवर चित्रपट निघालेत. सत्यजीत रे यांच्यासारख्या दिग्दर्शकालाही त्यांच्या दोन कादंबर्‍यांवर चित्रपट काढण्याचा मोह आवरला नाही. २०० हून अधिक पुस्तकं लिहिणारा हा लेखक मला अतिशय आवडतो. पुढे वाचा