प्रल्हाद कायंदे

Other Testimonials

मीच माझी ओळख करून द्यावी असं एकदा ठरवलं, तर समोरचा आरसा देखील मूक झाला. मग अंतर्मनात डोकावून बघितलं, तर तिथे एक १३-१४ वर्षांची अल्लड मुलगी मला भेटली. ही मुलगी उत्साही आहे, पण कधी कधी आळस करणारी देखील आहे. ही मुलगी नीटनेटकी आहे, पण तीच कधी कधी गबाळीही आहे. तिला अनेक गोष्टींचं कुतूहल आहे आणि एकाच वेळी ते सगळं कळायला हवं म्हणून धडपडणारी देखील आहे. तिला ज्ञानाची आस आहे, अन् सत्याचा ध्यासही आहे. तिला समुद्राची विशालता भावते, पण त्याच वेळी झुळझुळणाऱ्या झऱ्याचं आपल्यातलं मस्त राहणंही आवडतं. तिला ट्यूलिपनं बहरलेल्या बागा आवडतात, पण त्याच वेळी गवतावर डोलणारं ते इवलंसं गवतफूलही आवडतं. तिला अस्सल सौंदर्याचा शोध घेण्याचं वेड आहे, तसंच माणसं जोडण्याचं वेड आहे. ते वेड जपताना कधी ती अडखळते, कधी ठेचकाळते तर कधी फुलपाखरू होऊन उडतही राहते. तिला बोलायचं असतं, गायचं असतं, नाचायचं असतं, फिरायचं असतं, बघायचं असतं, वाचायचं असतं आणि लिहायचंही असतं!

Daisy